Om ’n pa te wees, is ’n groot voorreg. Kinders bring soveel vreugde en liefde in ’n mens se lewe. Die manier waarop hulle jou in alles wil betrek, hoe hulle in groot afwagting na jou kan kyk as hulle iets vra, en hoe hulle hart tot rus kom as jy jou arm om hulle slaan.
Maar elke Christelike pa ken ook die worsteling hoe om leiding aan sy kinders te gee. Jy skrik as jy soms jou eie dwaasheid en agterlosigheid sien. ’n Mens wens soms dat jy ’n kykie in die toekoms kon kry, sodat jy weet waarvoor om nou op te let in die opvoeding van jou kinders. Maar aangesien dit nie moontlik is nie, is die tweede beste om soms by ander te kan hoor hoe hulle terugkyk op die opvoeding van hul kinders. Omdat ons opvoeding ook deurtrek is met soveel gebreke, is dit dikwels moeilik vir mense om ’n openhartige gesprek hieroor te hê.
Ek het afgekom op ’n artikel van ’n Christelike pa wat baie eerlik terugkyk na sy lewe met sy kinders. Hy was duidelik een van die “goeie” pa’s. En tog was daar 5 dinge wat hy agteraf graag anders wou gedoen het....

Five things I wish I had known... about being a father